بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا جازدى.
«2021 جىلدىڭ وزىندە بىرىڭعاي جيناقتاۋشى زەينەتاقى قورىنىڭ 700 مىڭ سالىمشىسى ءوز جيناعىنىڭ ءبىر بولىگىن تۇرعىن ءۇي الۋعا, ەمدەلۋگە جۇمساي الادى نەمەسە باسقارۋشى كومپانيالاردىڭ يەلىگىنە بەرەدى. ۇكىمەتكە ۇلتتىق بانكپەن بىرلەسىپ, وسى جىلدىڭ سوڭىنا دەيىن بارلىق قاجەتتى نورماتيۆتىك-قۇقىقتىق اكتىلەردى قابىلداپ, دايىندىق جۇمىستارىن جۇرگىزۋدى تاپسىرامىن», دەدى.
پرەزيدەنت 2020 جىلدىڭ 1 قىركۇيەگىندە «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا. مەملەكەت باسشىسى قاسىم-جومارت توقاەۆتىڭ تۇرعىن ءۇي جاعدايىن جاقسارتۋعا قاتىستى زەينەتاقى جيناعىنىڭ ءبىر بولىگىن پايدالانۋ جونىندەگى باستاماسىن جۇزەگە اسىرۋ اياسىندا بىرىڭعاي جيناقتاۋشى زەينەتاقى قورى 470 122 ءوتىنىشتى قارادى.
بۇل بويىنشا بەرىلگەن قارجىنىڭ جالپى مولشەرى – 1,92 تريلليون تەڭگە.
اتاپ ايتقاندا: • تۇرعىن ءۇي ساتىپ الۋعا (تولىق تولەم), ءۇي قۇرىلىسىنا, ونىڭ ىشىندە جەر ۋچاسكەسىن ساتىپ الۋعا 1,36 تريلليون تەڭگە (70,62 %);
• يپوتەكا بويىنشا العاشقى جارنا رەتىندەگى تولەمگە, يپوتەكالىق قارىز بويىنشا بەرەشەكتى تولىق جانە جارتىلاي وتەۋگە جانە ونى قايتا قارجىلاندىرۋعا 246,1 ميلليارد تەڭگە (12,81 %);
• تۇرعىن ءۇي قۇرىلىسى جيناعى جۇيەسى بويىنشا يپوتەكالىق تۇرعىن ءۇي قارىزىن الۋ, سونداي-اق تولىق جانە جارتىلاي وتەۋ جانە قايتا قارجىلاندىرۋ ءۇشىن 262,1 ميلليارد تەڭگە (13,64 %);
• باسقا دا ماقساتپەن, سونىڭ ىشىندە ساتىپ الۋ قۇقىعىمەن جالعا الۋ شارتى بويىنشا بەرەشەكتى تولىق جانە جارتىلاي وتەۋ ءۇشىن 56,3 ميلليارد تەڭگە (2,93%). بانكتەر بويىنشا:
• «وتباسى بانك» قتقجب» اكتسيونەرلىك قوعامىندا – 446 711 ءوتىنىش قارالىپ, ارناۋلى شوتتارعا 1,87 تريلليون تەڭگە اۋدارىلدى;
• «قازاقستاننىڭ حالىق بانكى» اكتسيونەرلىك قوعامىندا – 18 063 ءوتىنىش قارالدى. بەرىلگەن قارجىنىڭ جالپى كولەمى – 45,5 ميلليارد تەڭگە;
• «بانك تسەنتركرەديت» اكتسيونەرلىك قوعامىندا – 5 055 ءوتىنىش قارالىپ, جالپى 9,2 ميلليارد تەڭگە اۋدارىلدى;
• «Altyn Bank» اكتسيونەرلىك قوعامى جالپى سوماسى 511 ميلليون تەڭگە بولاتىن 187 ءوتىنىشتى قاراستىردى;
• «بانك فريدوم فينانس كازاحستان» اكتسيونەرلىك قوعامىندا – 106 ءوتىنىش قارالدى. اۋدارىلعان قارجىنىڭ جالپى سوماسى 401 ميلليون تەڭگە.
ەمدەلۋ اقىسىن تولەۋگە قاتىستى 53 821 ءوتىنىش قارالىپ, جالپى مولشەرى 49,1 ميلليارد تەڭگە اۋدارىلدى. ونىڭ ىشىندە:
• ستوماتولوگيالىق قىزمەتتەرگە 45,1 ميلليارد تەڭگە (91,89%);
• وفتالمولوگيالىق قىزمەتتەرگە 1,6 ميلليارد تەڭگە (3,28%);
• ورفاندىق اۋرۋلاردى ەمدەۋگە 467 ميلليون تەڭگە (0,95%);
• رەكونسترۋكتيۆتىك جانە قالپىنا كەلتىرۋ (پلاستيكالىق) وتالارعا 220 ميلليون تەڭگە (0,45%);
• بەكىتىلگەن تىزبەدە قاراستىرىلعان باسقا دا مەديتسينالىق قىزمەتتەرگە 1,7 ميلليارد تەڭگە (3,44%) بولىنگەن.
2021 جىلعى 20 قازانداعى مالىمەتكە سايكەس جالپى سوماسى 1,97 تريلليون تەڭگە بولاتىن بارلىعى 523 943 ءوتىنىش قارالدى. ءتۇرلى سەبەپتەرگە بايلانىستى تۇرعىن ءۇي جاعدايىن جاقسارتۋ ءۇشىن الىنعان 262,4 ميلليارد تەڭگە جانە ەمدەلۋگە الىنعان 7,3 ميلليارد تەڭگە قارجى بجزق-عا قايتارىلعان.
ينۆەستيتسيالىق پورتفەلدى باسقارۋشى كومپانيالارعا بەرۋ جونىندە قازاقستاندىقتاردىڭ 2 912 ءوتىنىشى قارالدى جانە اۋدارىلعان قارجىنىڭ جالپى سوماسى – 5,44 ميلليارد تەڭگە. «Jusan Invest» اق, «BCC Invest» اق, «Halyk Global Markets» اق جانە «سەنتراس سەكيۋريتيز» اق باسقارۋشى ينۆەستيتسيالىق كومپانيالاردىڭ قاتارىنا جاتادى.
